Psa 26 | Vulgate_HebPs | STEP | David Dominus lux mea et salutare meum quem timebo Dominus fortitudo vitae meae quem formidabo

Psalms 26

1 David Dominus lux mea et salutare meum quem timebo Dominus fortitudo vitae meae quem formidabo 2 cum adpropinquarent mihi maligni ut comederent carnem meam hostes mei et inimici mei ipsi inpigerunt et ceciderunt 3 si steterint adversus me castra non timebit cor meum si surrexerit contra me bellum in hoc ego confidam 4 unum petivi a Domino hoc requiram ut habitem in domo Domini omnibus diebus vitae meae ut videam pulchritudinem Domini et adtendam templum eius 5 abscondet enim me in umbra sua in die pessima abscondet me in secreto tabernaculi sui 6 in petra exaltabit me nunc quoque exaltabit caput meum super inimicos meos qui sunt in circuitu meo et immolabo in tabernaculo eius hostias iubili cantabo et psallam Domino 7 audi Domine vocem meam invocantis miserere mei et exaudi me 8 tibi dixit cor meum quaesivit vultus meus faciem tuam Domine et requiram 9 ne abscondas faciem tuam a me ne declines in furore tuo a servo tuo auxilium meum fuisti ne derelinquas me et ne dimittas me Deus salvator meus 10 pater enim meus et mater mea dereliquerunt me Dominus autem collegit me 11 ostende mihi Domine viam tuam et deduc me in semita recta propter insidiatores meos 12 ne tradas me Domine animae tribulantium me quoniam surrexerunt contra me testes falsi et apertum mendacium [ (Psalms 26:13) ego autem credo quod videam bona Domini in terra viventium ] [ (Psalms 26:14) expecta Dominum confortare et roboretur cor tuum et sustine Dominum ]